أسطولنا
كل عربيات مدار للنقل بتتأجّر كاملة بسائقها: هاي إس ١٣–١٤ راكب، كوستر ٢١–٢٥ كرسي، ميني باص ٢٨–٣٣ كرسي، وأتوبيس ٣٨–٤٥ أو ٤٩+١ — وعددكم وشنطكم هما اللي بيحددوا المقاس.
بنأجّر العربية كاملة بسائق — مش بنبيع تذاكر ولا كراسي فردية. أصغر عربية عندنا ١٤ راكب.
محتاج مقاس إيه؟
العدد هو اللي بيحدد المقاس، وبعده بييجي نوع الرحلة. لو العدد بين مقاسين، بنرشّح الأكبر — أتوبيس نصه فاضي أرخص من عربيتين.
| العدد | الموديل | الأنسب لـ |
|---|---|---|
| لحد ١٤ راكب | تويوتا هاي إس | عائلات وفرق عمل صغيرة، وترانسفير مطار بعدد أقل لو معاكم شنط كبيرة — ابعتلنا عدد الشنط |
| من ١٥ لـ٢٥ راكب | تويوتا كوستر | المقاس بين الهاي إس والميني باص — خط فندق واحد في المؤتمرات |
| من ٢٦ لـ٣٣ راكب | جيوشي | رحلات المجموعات المتوسطة ونقل الموظفين — الأكثر طلبًا |
| لحد ٣٣ راكب | MCV 230 NF | نفس مقاس الميني باص بتجهيز أعلى — قريبًا في الأسطول |
| من ٣٤ لـ٤٥ راكب | MCV 400 | الأفواج الكبيرة ورحلات المسافات الطويلة |
| لحد ٤٩ راكب | MCV 600 كلاسيك | الأفواج الكبيرة والمسافات الطويلة |
| لحد ٤٩ راكب | MCV 600 Family | أفواج سياحية ومؤتمرات — أعلى مستوى تجهيز |
MCV 600 Family
أحدث فئة في أسطولنا، للأفواج السياحية والمؤتمرات: دورة مياه، تكييف مركزي، ومخزن شنط كبير. الـ«+١» كرسي المشرف أو المرشد مش السائق، يعني لحد ٥٠ راكب لو مفيش مرشد.
تفاصيل MCV 600 Family كاملةشوف فيديو الموديل الكامل
MCV 600 كلاسيك
لحد ٥٠ راكب لو مفيش مرشد: الـ«+١» كرسي المشرف أو المرشد، والسائق كرسيه لوحده. الشكل الكلاسيكي، للأفواج الكبيرة والمسافات الطويلة، وفيه مخزن شنط كبير.
تفاصيل MCV 600 كلاسيك كاملة
MCV 400
أتوبيس مريح لرحلات المسافات الطويلة والمجموعات السياحية، وفيه مخزن شنط مقفول تحت.
تفاصيل MCV 400 كاملةشوف فيديو الموديل الكامل
MCV 230 NF
من عيلة MCV New Family — ميني باص لحد ٣٣ راكب، بتكييف ونور لكل كرسي وإضاءة LED في الصالون. جاي من المصنع قريبًا، فابعتلنا ميعاد رحلتك ونقولك لو هيلحقها.
تفاصيل MCV 230 NF كاملة
جيوشي
أول مقاس فيه مخزن شنط مقفول تحت: لو عايزين شنطكم مقفول عليها ومش على السقف، ده أقل اختيار حتى لو العدد صغير. لرحلات المجموعات المتوسطة والمدارس والكنائس والمناسبات.
تفاصيل جيوشي كاملةتويوتا كوستر
للمجموعات من ١٥ لـ٢٥ فرد، والشنط على السقف تحت شبكة. الشكل الجديد ٢١ كرسي، والقديم بيوصل لـ٢٥ بكراسي قلاب في الممر، والعدد بالظبط بيتأكد وقت الحجز. وتنفع لخط فندق واحد في المؤتمرات.
تفاصيل تويوتا كوستر كاملة
تويوتا هاي إس
لحد ١٤ فرد بشنط إيد. مفيهاش مخزن، فشنط السفر بتركب جوه مع الركاب والعدد بيقل — قولنا كام شنطة ونحدد المقاس. مكيفة بالكامل، ومثالية للمجموعات الصغيرة.
تفاصيل تويوتا هاي إس كاملةالعربية دي هتشتغل في إيه؟
نفس الأتوبيس بيشتغل شفت موظفين يومي أو برنامج سياحي كذا يوم، والتنسيق بيختلف تمامًا بين الاتنين. الصفحات دي بتشرح كل حالة.
أغلب الصور الموضحة صور تعريفية بالموديل من الشركة المصنعة، وممكن تختلف بعض التفاصيل عن العربية الفعلية المخصصة لرحلتك. ولو عايز تشوف العربية اللي هتطلع معاك، بنبعتلك صورها قبل الحجز.
اقرأ كمان
الأتوبيس كام راكب؟ عدد الكراسي والشنط في الهاي إس والكوستر والميني باص والأتوبيس
عدد الكراسي في كل عربية والشنط بتركب فين — من الهاي إس ١٤ راكب لحد الأتوبيس ٤٩+١ — وليه «كام راكب» لوحده مش كفاية عشان تختار.
إزاي تختار حجم الأتوبيس المناسب لمجموعتك
أكبر غلطة في حجز الأتوبيس إنك تحجز عربيتين صغيرين بدل واحدة كبيرة، والتانية إنك تنسى الشنط. الدليل ده بيوضح إزاي تختار المقاس الصح من أول مرة.