نقل مجموعات الحج والعمرة والرحلات الدينية

الفرق الأساسي في النوع ده من النقل هو دقة المواعيد. رحلات الحج والعمرة مرتبطة بمواعيد طيران وإجراءات مطار بتاخد وقت، فالوصول متأخر مش خيار وارد.

بنطلب دايمًا رقم الرحلة ووقت الإقلاع، وبنحسب وقت الوصول للمطار على أساس إجراءات المجموعات مش المسافرين الأفراد — المجموعات بتحتاج وقت أطول في الإنهاء.

الأمتعة كمان بتفرق، وغالبًا هي اللي بتحدد العربية: مجموعة عمرة عادةً بتسافر بشنط أكتر من رحلة عادية. الهاي إس مفيهاش مخزن والشنط بتركب جوه، فبشنط السفر بتاخد أفراد أقل من كراسيها. في الكوستر الشنط على السقف تحت شبكة — مربوطة بس مكشوفة للتراب والمطر. ولو عايزين الشنط في مخزن مقفول، أقل اختيار هو الميني باص، وبعده الأتوبيس.

ولو المجموعة كبيرة ومتفرقة على نقاط تجمع مختلفة، الأفضل نحدد نقطة تجمع مركزية واحدة بدل ما العربية تلف على أكتر من مكان قبل المطار.