رحلة مريحة.. وجهتك مدار

لأ، إحنا مش بنبيع مقاعد فردية. التعاقد بيكون مع الشركة أو الجهة نفسها، وأصغر عربية بنشغّلها على الخطوط دي هي تويوتا هاي إس ١٤ راكب. بس فيه طريقتين ينفعوا معاك: إما توصّلنا بمسؤول الإدارة أو الموارد البشرية في شركتك وإحنا نظبط الخط، أو تجمّع مجموعة من الزمايل أو الجيران بيروحوا نفس الخط في نفس المواعيد وإحنا نشغّلكم عربية مخصصة بعقد شهري. ابعتلنا العدد اللي تقدر تجمّعه ونقطة النزول بالظبط ونجهزلك عرض.

ابعتلنا تفاصيل رحلتك عن طريق نموذج طلب عرض السعر أو مباشرة على واتساب: كام فرد وكام شنطة، ومن فين لفين، والتاريخ وميعاد التحرك، وذهاب بس ولا ذهاب وعودة. وهنرد عليك بعرض سعر واضح خلال اليوم.

أيوه، عندنا أسطول خاص بالإضافة لشبكة شركاء موثوقة في كل محافظة، فتقدر تحجز أتوبيس في أي مكان في مصر. وأيًا كانت العربية، الرحلة بتمشي باسم مدار وتحت مسؤوليتها قدامك.

السعر بيتحدد لكل رحلة حسب العربية والمسافة وعدد الساعات، وذهاب بس ولا ذهاب وعودة — وهو على العربية كلها مش على الفرد. العرض بيوصلك مكتوب فيه إيه اللي داخل (العربية والسائق والسولار ورسوم الطرق والانتظار جوه الساعات المتفق عليها) وإيه اللي مش داخل، ومكتوب فيه صلاحيته.

الحجز بيتأكد لما يوصلنا المقدم — الكلام لوحده مش بيمسك عربية. شروط الدفع بتبقى مكتوبة في عرض السعر، وكل دفعة ليها إيصال رسمي باسم الشركة.